Pagod na Puso

 Pebrero, Mayo, Disyembre at Hunyo,

Mga buwang dati ay kinasasabikan ko;

Ngayon ako ay nagtataka at nalilito,

Bakit puro sakit at lungkot ang hatid nito?

Kasalanan ko bang ako ay umasa?

Ng kahit kaunti lamang na pagpapahalaga;

O ako kaya ay isa lamang eksaherada,

Nangangarap na maging prinsesa.

Marahil nga ako ang syang may sala,

Binigay ko lahat ng makakaya;

Kaya nakampante ka ng bongga,

Nalulong sa tropa at pagtungga!

Ngunit ngayon ako'y sadyang pagod na,

Ipaalala sayo ang aking halaga;

Marahil nga ay hindi na masasambit pa,

Mga katagang "Mahal kita!".