Pusong Bato

Akala ko natagpuan ko na,
Pag-ibig na inaasam-asam;
Akala ko na nakamit ko na,
Pagsintang walang agam-agam.

Ngunit bakit kung kailan panatag na,
Ay saka biglang nag-iba;
Ang noo'y masayang pagsasama,
Tila nahaluan ng pagdududa.

Puso ko'y nagdurugo,
Katawan ay nanlulumo;
Damdamin ay nabilanggo,
Bakit ako'y ipinagkanulo.

Hanggan kailan magtitiis?
Ito ang nais na mabatid;
Hanggang kailan tatangis?
Upang pasakit ay mapatid.

Panahon na para sumuko,
Sa puso kong pagod ay payo;
Sadyang may mga bagay sa mundo,
Na hindi nararapat sayo.

Paalam na mahal ko,
Ayoko ng magpakagago;
Sa taong di marunong magpakatotoo,
Pagkat puso nya'y tunay ngang sintigas ng bato!